O alcalde do Concello de Outes é D. Carlos Enrique López Crespo. Carlos López Crespo naceu en 1949 no concello coruñés de Coirós. Licenciado en Pedagoxía, exercía como profesor de matemáticas no IES "Poeta Añón" cando foi elixido alcalde do Concello en xuño de 1995. Ademáis da Alcaldía do Concello, na actualidade ostenta o cargo de Deputado Provincial e ademáis é membro da Comisión Executiva da Federación Galega de Municipios e Provincias (FEGAMP). Na Casa do Concello teñen a súa sede unha grande parte dos departamentos que traballan para o servicio e benestar dos cidadáns de Outes. Entre eles a área administrativa, a de temas relacionados co benestar social (Educadora Familiar, Traballador/a Social, Auxiliares de Fogar, Técnico de Emprego, etc.) e outros servizos, como pode ser o Arquitecto Municipal, o Interventor e a Tesourería. Ademáis, na planta baixa do edificio ubícase a Policía Municipal e o Xulgado de Paz. O Colexio de Ensinanza Infantil e Primaria "Serra de Outes" conta con un total de 23 profesores para 194 alumnos de Infantil e Primaria. Este era o meu antigo colexo O colexio conta con servizos como o comedor (usado por 122 dos alumnos) e o transporte gratuito. O centro médico do Concello atópase na praza do Bosque. Os Obradoiros de Emprego e as Escolas Obradoiro (así como as Casas de Oficios) son programas públicos de emprego e formación que teñen como finalidade a inserción laboral dos desempregados, mediante a súa cualificación en alternancia coa práctica profesional en ocupacións ou actividades de utilidade pública ou interese social. Poden ser promovidos por diversos entes públicos, así como por fundacións, asociacións e outras entidades sen ánimo de lucro. Este centro, edificado na Praza do Bosque, xurdiu como necesidade de ampliar os servicios e acollida que se ofertan co actual Centro Social, de forma que poidamos atender mellor aos nosos maiores e traballar polo seu benestar e a súa calidade de vida.